खुम्बु पासाङल्हामू गाउ पालिकाको गत आषाढ़ २५ गते बसेको बैठकको निर्णयको कार्यन्वयन सुरू भएको छ । गाउ पालिकाकै निर्णयअनुसार गत सेप्टेम्बर 16 र 17 तारीख़ कान्तिपुर दैनिक लगायत विभिन्न पत्र पत्रिका तथा सामाजिक संजाल मार्फ़त आजको मिती अक्टूबर 1 तारीख़ देखी लागु हुने गरी गरी खुम्बु पासाङल्हामू गाउ पालिका भित्र टिम्स कार्ड पुर्ण रूपमा निषेध गर्ने र गाउ पालिकाले प्रवेश शुल्क उठाउने सूचना प्रकाशन गरेको थियो ।
आज बिहानै स्थानिय परम्परा अनुसारको विधिवत पुजा गरी प्रवेश शुल्क संकलन कार्य सुरू गरीएको हो ।
बिगत ११ बर्ष भन्दा पहिले देखी नेपाल पर्यटन बोर्ड र टान को संयुक्ततामा अनिवार्य टिम्स कार्ड लागु गरी नेपालको विभिन्न पर्यटकीय क्षेत्रबाट ९६ करोड़ भन्दा बढी शुल्क उठाएको थियो तर नेपालकै मुख्य पर्यटकीय गन्तव्य को रूपमा रहेको सगरमाथा तथा खुम्बु क्षेत्र मा उक्त रकमबाट कुनै पनि भौतिक पुर्वाधार बिकास तथा कुनै पनि क्षेत्रमा लगानी नभएको कारण टिम्स शुल्क हटाउनु पर्छ भनि बिगत लामो समय देखी आक्रोशित स्थानिय बासी र ट्रेकिङ मजदुर तथा ब्यबसायिहरू गाउ पालिकाले नै शुल्क उठालने र उक्त शुल्क सत प्रतिशत उक्त क्षेत्र मै लगानी हुने कुराले भने उत्साहित देखिएको छ ।
प्रतिकूल मैसमका कारण आज एउटा पनि हवाईजहाज लुक्ला आउन नसके पनि हेलिकॉप्टर मार्फ़त आज ६७ पुरूष र ३४ महिला गरी १०१ जना बिदेशि पर्यटक यस क्षेत्र मा प्रबेश भएको थियो र सबैले पर्यटन प्रवेश शुल्क ख़रीद गरेको थियो ।
गाउ पालिकाकै निर्णय अनुसार अब आइन्दा कहिल्यै लागु नहुने गरी छुमोवा (मन्जो) मा रहेको गाउ पालिका भित्रको एक मात्र टिम्स चेक पोस्ट लाई आज बिहानै हटाईएको छ ।
पर्यटकहरूलाई मार नपरोस भनि गाउ पालिकाले पनि टिम्सले असुल्दै आएको अधिकतम शुल्क बराबरकै प्रति ब्यक्ती दुई हजार रूपैया नै शुल्क निर्धारण गरेको छ ।
अब पर्यटकले खुम्बु क्षेत्र भ्रमण गर्न आउदा गाउपालिका प्रवेश शुल्क र सगरमाथा राष्ट्रीय निकुंज प्रवेश शुल्क मात्र ख़रीद गर्दा हुन्छ टिम्स कार्ड भने ख़रीद गर्नु पर्दैन र यदी कोही कसैले ख़रीद गरे पनि खुम्बु पासाङल्हामू गाउ पालिका मा यसको चेक हुदैन वाँ लागु हुदैन ।
प्रतिलिपि अधिकार: खुम्बु पासाङल्हामु गाऊँ पालिका
Comments
Post a Comment