कुन जिल्ला कुन प्रदेशमा ? हेर्नुहोस्….

लामो समय सम्मको विवाद र बहस पछि मुख्य दलहरुबीच ६ प्रदेशमा सहमति भएको छ । बिहानै देखि छलफलमा जुटेका शीर्ष नेता सहितको संवैधानिक राजनीतिक संवाद तथा सहमती समिति अन्तर्गतको विशेष समितिको बैठकमा तराईमा २ प्रदेश र पहाडमा ४ प्रदेश बनाउने गरी सहमति जुटाएका हुन् । प्रदेशको नामांकन भने भैसकेको छैन । स्रोतका अनुसार कैलाली र कन्चनपुरलाई नछुट्याउने तथा झापा, मोरङ र सुनसरीलाई पनि पहाडी जिल्लासँग जोडेर एकै प्रदेशमा राख्ने गरी सहमति जुटेको छ । दलहरु बीच भएको सहमति संगै संविधान जारी गर्ने बाटो सहज भएको छ । सहमति अनुसार दलहरुबीच भएको प्रदेशको सिमांकन यसप्रकार छ :

प्रदेश १ : मेची र कोशी अञ्चलका सबै जिल्ला

सगरमाथाको सोलुखुम्बु, खोटाङ, उदपयपुर र ओखलढुंगा

प्रदेश २ : पर्सादेखि सप्तरीसम्मको तराई

पर्सा, बारा, रौतहट, महोत्तरी, धनुषा, सिरहा, सप्तरी, सर्लाही

प्रदेश ३ : बागमती अञ्चलका सबै जिल्ला, नारायणिको मकवानपुर र चितवन तथा जनकपुरको सिन्धुली, दोलखा र रामेछाप

बाग्मती अञ्चल : भक्तपुर, धादिङ, काठमाण्डू, काभ्रे, ललितपुर, नुवाकोट, रसुवा सिन्धुपाल्चोक

प्रदेश ४ : गण्डकी र धवलागिरी अञ्चलका सबै जिल्ला र नवलपरासीको दाउन्नेदेखिको पूर्वी भाग

गण्डकी अञ्चल : गोरखा, कास्की, लमजुङ, स्याङ्जा, तनहुँ र मनाङ

धवलागिरी अञ्चल : बाग्लुङ, म्याग्दी, पर्वत र मुस्ताङ

प्रदेश ५ : राप्ती अञ्चलका सबै जिल्ला, लुम्बिनी अञ्चलका सबै जिल्ला र नवलपरासीको दाउन्नेदेखि पश्चिमको भाग र भेरी अञ्चलका बाँके र बर्दिया

लुम्बिनी अञ्चल : कपिलवस्तु, रुपन्देही, अर्घाखाँची, गुल्मी र पाल्पा

राप्ती अञ्चल : दाङ, प्युठान, रोल्पा, रुकुम र सल्यान

प्रदेश ६ : सेती, महाकाली र कर्णाली अञ्चलका सबै जिल्ला, भेरीको सुर्खेत, जाजरकोट र दैलेख

कर्णाली अञ्चल : डोल्पा, हुम्ला, जुम्ला, कालीकोट र मुगु

सेती अञ्चल : कैलाली, अछाम, डोटी, बझाङ र बाजुरा

महाकाली अञ्चल : कन्चनपुर, डडेलधुरा, बैतडी र दार्चुला