विदेशको अनुभव नेपालमा खर्चिने तयारीमा पिटी शेर्पा
कर्मथलो विदेश भएपनि मन र मस्तिष्कले नेपाल र नेपालीप्रति चासो र चिन्ता राख्ने व्यक्ति हुन पि.टि शेर्पा । सोलुखुम्बु जिल्लाको केरुङ १ मा जन्मिएका शेर्पा मिलनसार स्वभाव र सहनशिल व्यक्तित्वको एउटा उद्धाहरण नै हुन् । ५० भन्दा बढी मूलुकको भ्रमण र अष्ट्रेलियन सरकारको कर्मचारीको रुपमा लामो समय बिताइसकेका छन् उनले । शिक्षण, पर्यटन र वातावरण लगायतका क्षेत्रमा उनको चासो रहेको छ । विदेशमा रहे पनि नेपाल र नेपाली भनेपछि मरिमेट्ने उनी भन्छन् ‘संसारको जुनसुकै कुनामा पुगे पनि नेपाल बिर्सिन सक्दिन ।’
विदेश बसाईको २० वर्षीय अनुभवलाई सम्झदै अन्य देशको तुलनामा नेपाल पछि पर्नुको कारण नेपालको राजनितिक परिस्थितीलाई मान्छन् उनी । शेर्पाले आफ्नो करियर शिक्षण पेशाबाट सुरु गरेका थिए । केही वर्ष काठमाडौ“को बुढानिलकण्ठ विद्यालयमा अध्यापन गरेपछि उनी वातावरणको क्षेत्रमा लागे । गीफ्ट फर एड नेपाल, अष्ट्रेलिया सरकारको जुलालीकारी काउन्सिल, वेष्ट अष्ट्रेलियाको राष्ट्रिय निकुञ्ज र क्याम्बोडियाको जनजातिको हक अधिकारको क्षेत्रमा शेर्पाले काम गरिसकेका छन् । शेर्पाले नेपालमै पनि वातावरणको क्षेत्रमा थुप्रै काम गरेका छन् । उनले नेपाल र नेपाली संस्कृतिमा आधारित थुप्रै पुस्तक तथा लेख समेत प्रकाशित गरिसकेका छन् । विदेशमा विभिन्न उच्चस्तरका कामहरु गरेर नेपाल र नेपालीको कीर्ति फैलाएको भन्दै उनलाई नेपाल सरकारले गोरखा दक्षिण बाहू चौथो, विरेन्द्र ऐश्वर्य पदक जस्ता सम्मान तथा पुरस्कार समेत प्रदान गरिसकेको छ । यी बाहेक शेर्पा इन्टरनेशनल इको टुरिज्म अवार्डबाट पनि सम्मानित भइसकेका छन् ।
नेपालको पर्यटन उद्योगको प्रचुर सम्भावना रहेको दावी गर्दै उनी भन्छन् ‘व्यवस्थितरुपमा नेपाली पर्यटन उद्योगलाई अघि बढाउने हो भने नेपाल र नेपालीको कायापलट हुन धेरै समय लाग्दैन ।’ नेपालमै पनि उनको उच्च तहका राजनितिज्ञ र कर्मचारीस“ग राम्रो उठबस छ । उता विदेशमा पनि सरकारी तहका उच्चपदस्थ कर्मचारी तथा राजनितिक नेतास“ग उनले सहकार्य गरिसकेका छन् । तर नेपाली राजनितिज्ञ र विदेशी बीच कार्यशैली, सोचविचार तथा दुरदर्शितामा आकाश जमिनको फरक रहेको शेर्पा बताउ“छन् ।
शेर्पा समुदायमा जन्मिनु र हुर्किनुलाई उनले आफ्नो अहोभाग्य मानेका छन् । तर केही समययता शेर्पा समुदायका धेरै मानिस विदेशीन थालेकाले भने उनलाई कहिलेका“ही बेचैनी हुन्छ । लामो समय विदेशलाई कर्मभूमि बनाएका शेर्पा अब मातृभूमिलाई योेगदान पु¥याउन चाहन्छन् । विदेशमा भएको अनुभवलाई नेपालमा खर्चिने तयारीमा रहेका पिटी भन्छन् ‘विदेशमा जे जति सिकियो त्यसलाई अब नेपालमा सदुपयोग गर्ने हो ।’
Comments
Post a Comment