सोलुखुम्बुको थप दुई स्थानमा प्रहरी चौकी राख्ने तयार

सोलुखुम्बुको दुई स्थानमा थप अस्थाई प्रहरी चौकी राख्न आबश्यक देखीएको भन्दै गृह मन्त्रालयमा प्रस्ताब पठाईएको छ । आज जिल्ला प्रशासन कार्यलयमा बसेको जिल्ला सुरक्षा समितिको बैठकले निर्णय गर्दै तिङला गाबिसको ६ नम्बर वडा स्थीत रमितेमा र पंचन गाबिसको भन्ज्याङ डाँडामा सुरक्षाको दृष्टीकोणले तत्काल प्रहरी चौकी राख्न आबश्यक देखीएको भन्दै स्वीकृतीका लागी गृह मन्त्रालयमा पत्र पठाईएको प्रहरी नायब उपरिक्षक बद्रि बिक्रम थापाले जानकारी दिनुभयो । जिल्ला सुरक्षा समितिको अध्यक्ष समेत रहनुभएका प्रमुख जिल्ला अधिकारी उद्धब प्रसाद तिमल्सीनाको अध्यक्षतामा बसेको बैठकले रमितेमा दिन प्रतिदिन बजारीकरण बढ्दै गएको, सर्बसाधरणको जमघट बढेको, सडकको पहुँच जिल्लाको तल्लो क्षेत्र नेता सल्यानमा पनि पुग्ने क्रम सुरु हुदा मानिसको केन्द्र बिन्दु रमितेमा बढ्ने र भईपरि आउने दुर्घटनालाई समेत मध्य नजर गरेर रमिते बजारमा अस्थाई प्रहरी चौकीको प्रसताब गरिएको निर्णयमा उल्लेख छ । सोलुखुम्बुको सदरमुकाम सल्लेरी देखी ओखलढुङगाा हुदै काठमाडौँ जोड्ने मुख्य सडक मार्ग पनि सोही रुटमा पर्ने तर सदरमुकाम सल्लेरी देखी केरुङको पत्ताले सम्म कतै प्रहरी उपस्थीति नहुने भएकोले सर्बसाधरणले पनि पहिले देखीनै प्रहरी चौकीको माग गर्दै आएका थिए । त्यस्तै पंचन गाबिसमा पनि प्रहरी चौकीको आबश्यक्ता महसुष गरिएकोले पंचनको भन्ज्याङ डाँडामा अस्थाई प्रहरी चौकीको माग गरिएको छ । पंचनका सर्बसाधरण संग अन्य जनसम्पर्क कम हुने र सिङो गाबिस भित्र कतै प्रहरी चौकी नभएको भन्दै १ नम्बर वडाको भन्ज्याङ डाँडामा अस्थाई चौकीको प्रस्ताब गरिएको निर्णयमा उल्लेख छ । यसैबिच यस अघि नै सोदुखुम्बुको चौरीखर्क स्थीत फाक्दीङमा प्रहरी चौकीको माग गरि गृह मन्त्रालयमा पत्र पठाए पनि अझै सुनुवाई भएको छैन । गत माघ १९ गते एक होटल ब्इबसायीको हत्या भए पछि अस्थाई प्रहरी चौकीको माग गरिएको भए पनि हाल सम्म सुनुवाई नभएको बताईएको छ । आजको बैठकको निणर्यको गृह मन्त्रालय तथा क्षेत्रीय प्रशासन कार्यलय धनकुटामा पनि पठाईएको छ ।

यता सदरमुकाम सल्लेरी नजिकै रहको गाबिस तामाखानीमा जनता संग प्रहरीको घर दैलो अभियान अन्तर्गत शान्ती सुरक्षाको सवालमा सर्बसाधरणबाट सल्लाहा सुझाब लिइएको छ । तामाखानीको ५ देखी नौ नम्बर वडा सम्म गरिएको घर दैलो अभियानको क्रममा तामाखानीमा रहेको अस्थाई प्रहरी चौकीलाई स्थाई गर्न सर्बसाधरणले माग गरेका छन् । हाल सम्म अस्थाई रुपमा प्रहरी चौकी खडा गरि बस्दै आएका प्रहरीलाई स्थाई रुपमा बस्ने ब्यबस्था गर्न माग गरेका हुन् । तामाखानी बासीले गाउँमा कुनै दुर्घटना हुन नदिन र दुर्घटना भईहाले तत्काल घटना स्थलमा प्रहरी पुग्नु पर्ने सल्लाहा दिएका छन् ।