Skip to main content

फाप्लु विमानस्थलको कालोपत्रे गर्ने काम अन्तिम चरणमा पुगेको छ ।

फाप्लु विमानस्थलको कालोपत्रे गर्ने काम अन्तिम चरणमा पुगेको छ । निर्माण शुरु भएको पाँच दशक पछि कालोपत्रे गर्न थालेको विमानस्थलको काम लगभग सम्पन्न हुने चरणमा छ । यो आम सोलुखुम्बुबासी र हवाईयात्रुका लागि सुखद खबर हो।
सोलुखुम्बुको सदरमुकाम सल्लेरी नजिकै रहेको यो विमानस्थल सन् १९६५ अर्थात विक्रम संबत २०२२ सालमा निर्माण भएको थियो । शुरुमा स्वीस सरकारको सहयोगमा बनेको फाप्लु विमानस्थलको धावनमार्गको लम्बाई ३ सय मिटर मात्र रहेको बताइन्छ । त्यसपछि तत्कालीन श्री ५ को सरकारको लगानीमा थप २ सय मिटर बढाएर ५ सय मिटर बनाएको थियो । पटक पटकको मर्मत तथा स्तरोन्नति पछि अहिले फाप्लु विमानस्थलको लम्बाइ ६ सय ८० मिटर बनाइएको छ । विमानस्थलको कालोपत्रे सँगसँगै अझ यो विमानस्थलको लम्बाई केही बढ्ने बताइन्छ ।
शुरुमा सेस्ना नामक विमानले उडान भरेको फाप्लुमा २०२७ साल पछि पिलाटस् पोर्टरले उडान भरेको थियो । विमास्थलको केही स्तरोन्नति गरेपछि २०४६ साल तिर देखि मात्र ट्वीनअटर विमानले उडान भरेको जानकारहरु बताउँछन् ।
विभिन्न समयमा मर्मत हुदै आएको विमानस्थलको २०५७÷०५८ मा ग्राभेल गरेयता भने मर्मत हुन सकेको थिएन । वि.सं २०६९ को असोज १५ गते विमानस्थलको कालोपत्रे गर्नका लागि निर्माण कम्पनी र नागरिक उड्डयन प्राधिकरण बीच सम्झौता भएपछि विमानस्थल कालोपत्रे गर्न थालिएको हो । ०७० को पुस मसान्त भित्रै कालोपत्रे गरी सञ्चालन गर्नुपर्ने सम्झौता भएपनि तोकिएको समयमा काम नसक्दा आगामी असार २५ गतेसम्मका लागि समय थप गरिएको थियो ।
निर्माण कम्पनीले सम्झौता पालना गरेको भए यसअघि नै फाप्लु विमानस्थलमा हवाईसेवा सुचारु भईसक्थ्यौ । थप गरिएको समयावधि भित्रै काम सम्पन्न हुने हो भने असारको मसान्तसँगै विमानस्थल सञ्चालनमा आउने देखिन्छ । त्यसपछि आम सोलुखुम्बुबासी र हवाईया त्रुले बर्षौं अघिदेखि साँचेको सपना पूरा हुनेछ ।
विमानस्थल कालोपत्रे नहुँदा हवाईयात्रुले धेरै दुःख पाएका थिए । सामान्य धावन मार्गमा डोनियर विमानले उडान भर्न नसक्दा ट्वीन्अटर विमान भएका कम्पनीहरुले मात्र उडान राख्दै आएका थिए । यसको प्रत्यक्ष मारमा हवाईयात्रुहरु पर्ने गरेका थिए । ती कम्पनीहरुको पनि उडान सीमितताका कारण राजधानी जाने टिकट पाउनका लागि हप्तौं कुनुपर्ने बाध्यता थियो । समयमा उडान नहुँदा कयौं विरामीले अकालमै मृत्युको शिकार बन्नुपरेको थियो भने कतिले लाखौं खर्चेर हेलिकप्ट चार्टर गर्नुको अर्को विकल्प थिएन । कहिलेकाही अवतरण हुनै लागेको हवाईजहाज पनि विमानस्थल हिलाम्मे देखेपछि पुनः काठमाडौ नै फर्कनुपरेको थियो । यसबाट हवाईयात्रु र स्वयं हवाईकम्पनीहरुले समेत ठूलै घाटा व्यहोर्नु परेको थियो । 
विमानस्थल कालोपत्रे नहुँदा झेल्नुपरेका यस्ता समस्याहरु अब दोहोरिने छैनन् । बर्षौ लामो समयदेखि झेल्दै आएको दुःख अब सदाका लागि बिसाउन पाइनेछ सोलुखुम्बुबासीको अपेक्षा यही हो ।

सम्भावनाहरु
सडक यातायातसँग राजधानी काठमाडौ र सोलुखुम्बुको साईनो त्यत्ति नजिक छैन । केही बर्ष पहिले नै सदरमुकामसम्म मोटरबाटो पुगेको भएपनि हालसम्म पनि मौसमी सडकमा सीमित छ । बर्षा यामको शुरुवात सँगै बन्द हुने मोटरबाटोले सोलुखुम्बुबासीलाई सुविधा नभई सास्ती दिईरहन्छ । यीनै कारणले सोलुखुम्बुबासीका लागि हवाई यातायात नै भरपर्दो यातायातको साधन हो । 
फाप्लु विमानस्थलमा कालोपत्रे भएपछि विमान हवाई कम्पनीहरुले उडान भर्नेछन् । सीमित हवाई उडानमा मात्र भर पर्दै आएका सोलुखुम्बुबासीले एउटा टिकट पाउनकै लागि हप्तौं कुनुपर्ने समस्याबाट मुक्ति पाउनेछन् ।
सोलुखुम्बुको पर्यटकीय स्थल लुक्लामा अवस्थित तेञ्जिङ हिलारी विमानस्थलको विकल्पमा फाप्लु विमानस्थल प्रयोगमा आउने सम्भावना उत्तिकै प्रबल छ । लुक्ला विमानस्थल आफैमा जोखिमपूर्ण विमानस्थलको रुपमा संसारभर परिचित छ र बेला बेलामा हुने हवाई दुर्घटनाले पनि लुक्ला विमानस्थल हवाईजहाज अवतरणका लागि जोखिमपूर्ण एयरपोर्ट हो भन्ने प्रमाणित भईसकेको छ । यस्तो अवस्थामा जोखिम मोल्न नसक्ने कयौं पर्यटकहरु फाप्लु सम्म गएर त्यहाँबाट पैदल यात्रा गर्नेछन् । यसबाट लुक्ला विमानस्थलमा भएको हवाईयात्रुको चापलाई घटाउन मद्दत मिल्ने मात्र होइन, फाप्लुदेखि लुक्लासम्मको पदमार्गमा पर्ने फेरा, टाक्सिन्दु, नुनथला, जुभिङ, खरीखोला, पैया, सुर्के लगायतमा स्थानका होटलहरु समेत सन्चालनमा आउनेछन् । यसबाट सयौं होटल व्यवसायीहरु लाभन्वित हुनेछन् । 
अर्कोतिर सोलुखुम्बुको सदरमुकाम आसपासमा रहेका विभिन्न धार्मिक तथा पर्यटकीय स्थलहरुको समेत प्रवद्र्धन हुन गई स्थानीय व्यक्ति लाभन्वित हुनेछन् । तामाखानीको ज्वालामाई देवी मन्दिर र रातनाङ्गे डाँडाको महत्व दर्शाउन सकेको खण्डमा राजधानी लगायत अन्य जिल्लाका मानिसहरुलाई सोलुखुम्बुको सदरमुकाम सम्म तान्न सकिनेछ । 
त्रिभुवन विमानस्थल काठमाडौबाट जहाजमा आधा घण्टाको यात्रा पछि फाप्लु पुगिन्छ । त्यहाँबाट २ वा ३ घण्टाको पैदलयात्रा पछि रातनाङ्गे पुग्न सकिन्छ जहाँबाट विश्वको सर्वोच्च शिखर सगरमाथा लगायत महालंगुर हिमश्रृंखलालाई नजिकैबाट नियाल्न सकिन्छ । यस्तै फाप्लुबाट उत्ति नै समय लगाएर तामाखानीमा रहेको ज्वालामाई देवीको मन्दिरको दर्शन गर्न सक्नुहुनेछ जहाँको भाकल पूरा गरेमा आफ्नो मनोकांक्षा पूरा हुने विश्वास छ ।

Comments

Popular posts from this blog

नेपालको नापतौल

 १ किलोग्राम काठमाण्डौमा =५ पाऊ तराईमा =४ पाऊ । =१ सेर ६ तोला ।  १ धार्नी =२ किलो ३९२ ग्राम ।  १ पाऊ =१९९ ग्राम । . १ तोला =११.६६३८ ग्राम ।  १ किलोमिटर =१०९३ गज १ फूट १० इन्च । १००० मिटर ।  १ मिटर =१ गज ० फूट ३.३७ इन्च ।  १ इन्च =२.५४ सेन्टिमिटर ।  १ गज =९१.४ सेन्टिमिटर ।  १ किलोलिटर =१०००लिटर । १० मुरी १९ पाथी ७ माना ३ चौथाई ।  १ लिटर =१ माना ३ चौथाई । १००० मिलिलिटर ।  १ पाथी =४ लिटर ५४६ मिलिलिटर ।  १ माना =५६८ मिलिलिटर  १ रोपनी =१६ आना ०.०२२५९ हेक्टर ।  १ आना =३४२.२५ वर्गफूट ।  १ हेक्टर =१९ रोपनी २ आना २.६५ दाम । १.४७ विघा ।  १ विघा =०.६८०२७ हेक्टर । २० कठ्ठा ।  १ एकड =७.९५ रोपनी ।  १ कठ्ठा =२० धुर ।  १ माइल =१.६१ किलोमिटर ।  १ क्यूफिट =६.२३ पाथी  १ ब्यारेल =१४२ लिटर ।  १ ग्यालेन =४.५४३५९ लिटर । कति नाप बराबर कति जग्गा १ दाम =२१.३९ (वर्गफूट) ४.६२*४.६२ (फूट) ।   ४ दाम =८५.५६ (वर्गफूट) १ (पैसा) ९.२५*९.२५ (फूट)। ४ पैसा =३४२.२५ (वर्गफूट) १ (आना) १८.५*१८.५ (फूट)।  १६ आना =५४७६ (वर्गफूट) १ (रोपनी) ७४*७४ (फूट)। १।४ धुर =४५.५६२५ (वर्गफूट) ६.७५*६.७५ (फूट)।  

How To Manage Blood Pressure Naturally

Reincarnation His Holiness Kyabye Trulshik Rinpoche, welcome And bless us Rinpoche.

Ever since Kyabje Trulsik Rinpoche passed away on September 2nd, 2011, finding his Reincarnation (Yangsi) has been awaited with great hope and deep devotion, especially in the Sherpas & Tibetans Buddhist Nyingma Tradition living in all over the world.  On 29th of May 2018, Saga Dawa day, we are all over joy to hear that His Holiness 4th Dodrupchen Rinpoche, Kyabje Dodrup Thupten Thinley Palbar (one of the most important living masters in the Nyingma and Dzogchen traditions) Chorten Gonpa Monastery, Tadong, Gangtok, Sikkim, India recently made this kind proclamation that a son born to the father, Ngawang Jigdrel Chokyi Wangchuk, the lineage holder of Maratika Lama, and the mother Orgyen Dolma is an Unmistaken Recognition of supreme reincarnation of His Holiness Late Trulshik Rinpoche. The Yangsi arrival at Dzarong Thupten Dongak Choeling Monastery .  June 23rd, 2018, Chewa Chu Ja Pemba The helicopter landed in Monastery helipad around 10:50 AM with Yangsi an