को बन्ला त एमाले सोलुखुम्बुको अध्यक्ष ?

अन्ततः अब कुनै रणनितिक योजना नबनाइए नेकपा एमाले सोलुखुम्बुको छैठौँ अबिधेशन यही हप्ता हुने निश्चीत भएको छ । आगामी २४ गते देखि सुरु हुने अबिधेशनका लागि अहिले सल्लेरी बाहेक सबै गाबिसबाट प्रतिनिधि तथा पर्यबेक्षकहरु छनौट गरिसकेको छ । यतिबेला अबको नेतृत्व कस्ले हत्याउला भन्ने बहस पनि सुरु भएको छ । करिब साँढे ३ सय ७५ प्रतिनिधिहरु बीच नेकपा एमाले सोलुखुम्बुले नयाँ नेतत्व चयन गर्दैछ । जिल्ला तहकै नेताहरुमा स्पष्ट बलियो गुट निर्माण भए पछि पार्टीको महाधिबेशन पहिले नै गरिसक्नु पर्ने जिल्ला अबिधेशन महाधिबेशन गर्नु भन्दा करिब डेढ बर्ष पछि हुदैछ । त्यसो त एमाले सोलुखुम्बुको नेतृत्व कस्को पोल्टामा जाने हो, राजनितिक बृत्तमा बहस तथा बिश्लेषण सुरु भएको छ । गाउँ तहबाट छानिएका प्रतिनिधिहरुको अनुहार हेरेर नै जिल्ला तहका नेताहरुले अबिधेशनमा आफ्नो हैसियत कस्तो हुने भन्ने लख काट्न थालिसकेका छन् ।

दुइ ठुला नेताहरु आङ निमा लामा र बुद्धिकुमार राजभण्डारी नै छनौट हुनु पर्ने साबिकको सल्लेरी गाबिसमा प्रतिनिघि छनौटमा आफु पक्षमा ब्यक्ति प्रतिनिधिका रुपमा छनौट होस भन्ने पक्षमा छन् । त्यसो त बिभिन्न कारण देखाइ बिबाद भइ प्रतिनिधि छनौट कार्य लम्बीएको छ । श्रोतका अनुसार सल्लेरी गाबिस बुद्धिकुमार राजभण्डारी को पक्कड मानिन्छ भने यस बाहेक अधिकांश गाबिस आङनिमा लामाको पक्कड रहेको छ । आङ निमा लामा पार्टीको जिल्ला अध्यक्ष सहित जिल्ला बिकास समितिका सभापति भइसकेका ब्यक्ति हुन् भने राजभण्डारी पनि एमालेको नेतृत्व सम्हालिसकेका ब्यक्ति हुन् । तर पहिलो संबिधान सभाको निर्बाचनमा प्रत्यक्ष उमेदबार बनेका राजभण्डारीका भन्दा दोस्रो संबिधान सभाको निर्बाचनमा उमेदबार बनेका लामाको पक्षमा झण्डै दोब्बर मत ल्याएकाले आङनिमा लामाको धरातल बलियो रहेको बिश्लेषण हुने गरेको छ ।

केहि समय राजभण्डारी पक्ष मानिने नेताहरु पनि लामाको पक्षमा लागेको लामा पक्षको दाबी छ । आङ निमा लामा, जुद्ध बहादुर कार्की, लोचन कुमार शर्मा, प्रेम कुमार श्रेष्ठ, डिल्ली राइ, बुद्धिकिरण राइ, दोर्जी जाङबु शेर्पा, निम दोर्जी शेर्पा लगायतका पार्टीमा राम्रो पक्कड भएका नेताहरुको सहयोगमा नेतृत्व हत्याउने बिश्वासमा लामा छन् ।

यता राजभण्डारी पक्षधर भनिने नेताहरु डिबि किराती, डुफ कुमार बास्तोला, आङदामी शेर्पा, हर्क राइ लगायतका नेताहरु आफ्नो प्यानल बलियो बनाउन लागि परेका छन् । त्यसो त राजभण्डारी पक्षले अध्यक्षमा बिजयी हुने भए फेरी बुद्धिकुमार राजभण्डारी नै अध्यक्षमा उठ्ने, नत्र स्थीति कमजोर हुने अबस्था आए डुफकमार बास्तोलालाइ अघि सार्ने राजभण्डारीको भित्री रणनिति रहेको बताइएको छ । त्यसो त डुफ कुमार आफै कुन गुटमा नरहेको भन्दै स्वफुर्त अध्यक्षको प्रत्यासी भएको दाबी गर्छन् । पार्टीमा सबै नेता कार्यकर्तालाइ मिलाएर लैजान सक्ने क्षमता भएका बास्तोला प्रतिनिधिहरुको मन जित्दै अध्यक्ष बन्न चाहन्छन् ।

यता हाल एमालेको कार्यबाहक अध्यक्ष रहेका मानबीर राइ गाबिसहरु मै सबैभन्दा बढि प्रतिनिधि छनौट गर्दै ३४ जना प्रतिनिधिहरु लिएर बासाबाट फर्किएका छन् । उनलाइ पनि कार्यबाहकबाट निर्बाचित पार्टी नेतृत्व चलाउने रहर छ । त्यसो त दुइ नेताहरु एक अर्काको खुटा तानिरहेका बेला आफु बीच बाट नेतृत्वमा पुग्ने योजना बुनिरहेका छन् । तर यस अघि लामा निकट मानिने मानबीर राइ अबिधेशनको संघारमा आफुलाइ तटस्थ मान्दै आएका छन् । यद्यपी राजभण्डारी र आङ निमा लामा दुबै राइले आफुलाइ सहयोग गर्ने सपना देखिरहेका छन् ।

दिउसोको संकेत बिहानीले गर्छ भने झैँ जिल्ला अबिधेशनको संकेत गाबिसबाट छानिएका प्रतिनिधिबाट एमाले नेताहरुले लख काट्न थालेका छन् । त्यसो त अबको पार्टी सचिब पड्काउने योजनामा रहेका जिल्ला सदस्य बनिसकेका, राजभण्डारी पक्ष मानिने बीरुदास श्रेष्ठ गार्मा गाबिसबाट आधा मत भन्दा बढिले प्रतिनिधि छनौटमै पराजित भए । अब हेर्नुछ एमालेको अधिबेशनले नयाँ नेतृत्व कस्तो बनाउने छ ।