सोलुखुम्बुमा बाक्लो हिमपात

सोलुखुम्बु । आज करिब बिहान ११.०० बजे बाट पर्न सुरु गरेको बाक्लो हिमपात बाट खुम्बु क्षेत्रमा निकै प्रभाव पारेकाछन। अहिले सम्म पनि हिमपात हुन रोकिएको छैन, यस बाक्लो हिमपातका कारण यहाँ घुम्न आउने पर्यटकहरु पनि आवतजावत गर्न कठिनाई भएको सगरमाथा राष्ट्रिय निकुन्जको कार्यालय नाम्चे बजारले जनाएको छ भने तेन्जिङ हिल्लारी बिमानिस्थल लुक्लामा हवाई उडान समेत ठप्प हुदा हवाई यात्रुहरु अलमलमा परेका छन्।

यस क्षेत्रको तापक्रम हाल -५ डिग्री रहेको र दुई/तीन दिन सम्म पनि हिमपात यथावत रहने मौसम पूर्व अनुमान महासाखाले जनाएका छन। महाशाखाले पश्चिमी वायुको प्रभावले मौसममा परिवर्तन आएको र भूमध्यसागरबाट विकास भएको हावापानीले माथिल्लो वायुमण्डलमा गतिविधि गर्दै जमिनसँग नजिक भएपछि अहिले त्यसको असरले काठमाडौँ उपत्यका लगायतका देशका अन्य स्थानहरुमा वर्षा भै रहेको र हिमाली जिल्लाहरुमा बाक्लो हिमपात भै रहेको मौसमविद् बरुण पौडेलले जानकारी दिए ।

नेपालको पश्चिमी भेगमा सो वायु अघिल्लो दिन प्रवेश गरी डडेल्धुरा क्षेत्रबाट आज बिहानैबाट देशको मध्य भाग तथा भोलि पूर्वी भेगमा पुग्नेछ । काठमाडौँमा आजबाट सुरु भएको वर्षा साँझ केही समय रोकिएर पुनः रातभर हुनेछ । शुक्रबार भने मौसममा केही सुधार आए पनि पूर्ण सुधार हुन अरु दुई/तीन दिनसम्म लाग्नेछ ।

विराटनगर तथा झापाको क्षेत्रबाहेक मुलुकका अधिकांश स्थानमा पश्चिमी वायुको असर देखिएको मौसमविद् पौडेलले बताए । सामान्यतय डिसेम्बर, जनावरी र फेव्रुअरीसम्म जाडोको मौसम भएकाले महाशाखाले अहिले भएको बर्सातलाई सामान्य मानेको छ । फेव्रुअरी महिनामा करिब १८ मिलिलिटर बर्सात हुनुपर्नेमा जम्मा १२ मिलिलिटर बर्सात भएको महाशाखाले जनाएको छ ।