जिल्लाको विकासमा जुर्मुराउ“दै– पिजी शेर्पा

सोलुखुम्बु जिल्ला गार्मा गाविस, जोरबौद्ध, नेमारका पासाङ ग्याल्जेन शेर्पा अर्थात पिजी जिल्लाको शैक्षिक विकास गर्न निकै कस्सिएर लागि परेका छन् । त्यसका लागि उनले आफ्नो दिवङ्गत बुबा मिजार पेम्बा गोर्जा शेर्पाको नाममा अक्षय कोष नै खोलेका छन् । स्वर्गीय बुबाको नाममा स्थापित मिजार पेम्बा गोर्जा स्मृति अक्षय कोषमार्फत उनले जिल्लाका विद्यार्थीको शिक्षामा सहयोग पु¥याई रहेका छन् । 

धर्म गुरु बुबाको नाममा स्थापना भएको सो अक्षय कोष उनले सुरुमा २ लाख रुपैया“ जम्मा गरेका थिए । सोही कोषको व्याजबाट उनले गार्माबाट एसएलसीमा फस्र्ट डिभिजन ल्याउने दुई जना छात्रछात्रालाई ५ हजार ५ रुपैया“ छात्रवृत्ति प्रदान गर्दै आइरहेका छन् । अक्षय कोषको राशी ५ लाख बनाउने योजनामा रहेका पिजीले यो वर्ष १ लाख रुपैया“ थपेका छन् । उनी छात्रवृत्ति मात्रै प्रदान गर्दैनन्, विद्यालयको भौतिक विकासमा पनि ध्यान दिन्छन् । हालसालै उनले जीर्ण बनेको गार्मा माविको पर्खाललाई आफ्नै खर्चमा मर्मतसम्भार गरी ढलान पनि गरिदिएका छन् । भन्छन, ‘सकेको सहयोग गर्नु पर्छ, हामीले नगरे कसले गर्छ ?’ विद्यालयले पनि उनको कामको तारिफ गर्दै दोसल्ला ओढाएर सम्मान गरेको छ । शिक्षा बाहेक धार्मिक तथा सांस्कतिक सम्पदा संरक्षणमा पनि पिजीको लगाव रहेको छ । 

आफ्ना जिजुबाजेले झण्डै ३ सय वर्ष अघि स्थापना गरेको गार्मा ८ स्थित जोर बौद्ध जीर्ण बनेको देख्दा टुलुटुलु हेरिरहन उनको मनले मान्दै मानेन । त्यसैले उनले आफ्नै व्यक्तिगत र गाविसको २ लाख रुपैया“ सहयोगमा जीर्णोद्वार सुरु गरेका छन् । जोर बौद्धको जीर्णोद्वार यही वर्ष सम्पन्न हुने उनले बताए । ‘म स“ग धेरै पैसा भएर यो सब गरेको होइन’ पिजी भन्छन्, ‘आफ्नो जिल्ला प्रतिको दायित्व अनि पछिल्ला पुस्तालाई केही गर्नुपर्छ भन्ने प्रेरणा जागोस् भनेर गरेको हु“ ।’ मन भयो भने जसरी पनि आफ्नो गाउ“ समाजको विकासमा सहयोग पु¥याउन सकिने उनको ठम्याई छ । पिजी जोर बौद्ध कन्ट्रक्सनका सञ्चालक पनि हुन् ।