परिचय
ट्रेकिङ/ ट्राभल एजेन्सीका लागि लगभग एकै खालका प्रक्रिया र कागजातको आवश्यक पर्दछ | फरक पर्न गएमा दस्तुरमा थप-घट हुन सक्नेछ, भने बाँकि प्रक्रियामा समानता देखिन्छ | अत: ट्रेकिङ/ ट्राभल एजेन्सी संचालनका लागि विभिन्न कागजात तयार गरि, पर्यटन विभागबाट स्वीकृति लिन आवश्यक छ |
सेवा ग्रहिले पेश गर्नु पर्ने कागजातहरु
- विवरण भरि निवेदकको सहिछाप सहितको रु. दशको टिकट टाँसेको दरखास्त फारम|
- दरखास्त दस्तुर वापत रु. १००/- तिरेको भौचर|
- फर्म/कम्पनि दर्ता प्रमाणपत्र, प्रमाण पत्र जारी भएको पत्र,प्रबन्ध पत्र, नियमावलीको प्रतिलिपि|
- सबै संचालक शेयरधनीहरुको व्यक्तिगत विवरण र २/२ प्रति फोटो| ( नैतिक पतन देखिने, फौजदारी अभियोगमा सजाय पाएको छैन| सरकारी राजश्व र अदालित दण्ड जरीवाना तिर्न बुझाउन बाकि छैन| कुनै पनि सार्वजनिक निकायबाट कालो सुचिमा परेको छैन भनि विभागमा उपस्थित भइ विभागको कर्मचारीको रोहवरमा सनाखत गर्नु पर्ने हुन्छ|
- सबै संचालकहरुको नागरिकताको प्रमाणपत्रको प्रतिलिपि|
- ट्राभल/ ट्रेकिङ एजेन्सी बाहेक उदेश्य भएको फर्म र कम्पनी भए प्रस्तुत इजाजतपत्र बाट ट्राभल/ट्रेकिङ व्यवसाय मात्र गर्ने कबुलियतनामा|
- एजेन्सी दर्ता लगायतका कार्य गर्न संचालक समितिबाट दिएको अख्तियारनामा पत्र|
- स्थायी लेखा नम्बर. (PAN) दर्ता प्रमाणपत्रको प्रतिलिपि|
- लेखा परिक्षण प्रतिवेदन र कर चुक्ता प्रमाण पत्रको प्रतिलिपि|
- पाँच वर्ष अवधिको घरबहाल सम्झौता, घर धनीको नागरिकता,घर नम्बर र मार्ग खुलेको प्रिन्ट-टेबल लोकेशन म्याप र पानी वा टेलीफोन वा बिजुलीको पैसा तिरेको रसिदको फोटोकपि|
- नेपाल राष्ट्र बैंक बाट मान्यता प्राप्त कम्तिमा ख श्रेणीको बैंकबाट पर्यटन विभाग को नाममा पाँच वर्षको लागि जारी भएको ट्रेकिङको हकमा रु.२ लाख र ट्राभलको हकमा रु.३ लाख बैंक ग्यारेन्टी|
- ट्रेकिङको हकमा न्युनतम ६ लाखको र ट्राभलको हकमा रु.१० लाख चुक्ता पुँजी खुलेको शेयर लागत किताबको प्रतिलिपि|
थप जानकारी
- उधोग दर्ता भएको बोधार्थ पत्र र प्रमाणपत्रको प्रतिलिपि |
- इजाजत दस्तुर वापत रु. १५,०००/- को बैंक दाखिला भौचर |
सक्कल बाहेकको सम्पूर्ण कागजातमा नोटरी पब्लिकद्वारा प्रमाणित गरेको हुनु पर्नेछ |
राजश्व बुझाउने तरिका
सेतो चार प्रति भौचर भरि दुई प्रति फिर्ता लिई आउने | कार्यालय कोड नम्बर: २७-३२५-०३ खाता नम्बर: ५२०१२६५ राजश्व शिर्षक नम्बर: १-१-६-१-२ बापत: इजाजत/ नविकरण दस्तुर शेयर मार्केट भवनको चौथो तल्लामा रहेको कर-दाता सेवा कार्यालय पुतलीसडक भित्र रहेको एभरेष्ट बैंकमा वा सिंहदरवार भित्र रहेको एभरेष्ट बैंकमा मात्र बुझाउनु पर्नेछ | अन्यत्रको एभरेष्ट बैंकमा बुझाउनु हुँदैन |
Comments
Post a Comment