ठेकेदार संग सरकारी इन्जीनियरले घुस मागेको कार्कीको खुलासा

जिल्ला प्राबिधिक कार्यलय सोलुखुम्बुका प्रमुख र तामाखानी जोड्ने निर्माणाधिन सोलुखोलाको पुलका ठेक्केदार बिच कुटाकुटको अबस्था उत्पन्न भएको छ । आज बिहान अनुगमनको क्रममा प्राबिधिक कार्यलयका निमित्त प्रमुख प्रदिप बहादुर सिंङ यादब निर्माणाधिन पुलमा पुग्दा पुल निर्माणको ठेक्का लिएको ठेक्का कम्पनि अमर कन्स्ट्रक्सनका ठेक्केदार डि बि कार्की बिच भनाभन भए पछि हात हालाहालको स्थीति आएको हो । पुल निर्माणको बिषयमा सामान्य छलफल भईरहदा प्राबिधिक प्रमुख यादब एक्कासी जंगीए पछि परिस्थीति असामान्य बनेको ठेकेदार डि बि कार्कीले जानकारी दिनुभयो । तर आफुले भौतीक आक्रमण भने नगरेको कार्कीको दाबी छ । निमित्त प्राििधकि प्रमुख सिंङले भने आफु माथी कुटपिट भएको बताएको र निजलाई कार्बाहीको माग गरे पछि ठेकेदार कार्कीले भने आफु संग यादबले पैसाको बार्गेनिङ गरेका कारण कडा भनाभन भएको बताएका छन् ।

त्यस्तै यादबले १ हप्ता देखी आफु संग कमिसन मागीरहेको कार्कीको दाबी छ । आफुले नियम संगत रुपमा काम गर्ने तर कमिसन नदिने बताए पछि इृन्जीनियर यादबले उल्टो धम्की दिएको कार्कीले बताएका छन् । उत्पन्न परिस्थीतिबारे दुबै पक्षलाई सदरमुकाममा झिकाई अनुसन्धान भईरहेको प्रमुख जिल्ला अधिकारी उद्धब प्रसाद तिमल्सीनाले जानकारी दिनुभयो ।

यता बिभिन्न कर्मचारी संघ संगठनहरुले भने प्राबिधिक कार्यलयका निमित्त प्रमुख यादब माथी हातपात गरेको भन्दै आफुहरुको ध्यानाकर्षण भएको जनाएको छ । आज साँझ एक बिज्ञप्ती जारी गर्दै नेपाल निजामति कर्मचारी युनियन, नेपाल निजामति कर्मचारी संगठन, तथा पेशागत महासंग नेपालले छुटा छुटै बिज्ञप्ती निकालेर हातपात भएको बिरोधमा ध्यानाकर्षण भएको जनाएको हो । ठेकेदार कार्कीले यादबलाई गाली गलौज, कुटपिट तथा ज्यान मार्ने धम्की दिएको भन्दै बिज्ञप्ती निकाली बिरोध गरेका हुन् । यता जिल्ला निर्माण व्यवशायी संघले भने ठेक्केदारमाथि लगाएको आरोका खण्डन गरेको छ । ईन्जिनियरले नै ठेक्केदारसंग कमिसन मागेर काम गर्ने वाताबरण विग्रिएको भन्दै निर्माण व्यशायी संघका अध्यक्ष महेश किरांतीले घुस माग्ने कर्मचारीलाई कडा कार्बाही गर्न माग गर्नुभयो । घटनाको विषयलाई लिएर नेपाल तरुण दल सोलुखुम्बुले भने ठेक्केदारलाई कार्बाही गर्न माग गरेको छ ।