सोलुखुम्बुलाई ७५ जिल्लाकै उत्कृष्ठ बनाउनेछु–केसी

सोलुखुम्बुलाई ७५ जिल्लाकै उत्कृष्ठ बनाउनेछु–केसी

बिपीको विचारमा शिक्षा र पिछडिएको क्षेत्रको विषयका विचार गोष्ठीको कार्यक्रम सम्पन्न भएको छ । उक्त कार्यक्रममा पूर्वमन्त्री तथा दोस्रो संविधान सभाका सभासद बलबाहदुर केसीले सोलुखुम्बु जिल्लालाई ७५ जिल्ला मध्ये एक नमूना बनाउने उद्घोष गरेका छन् । सोलेखुम्बुमा विकासको प्रचुर सम्भावनाहरू रहेको भन्दै उनले पर्यटन, जलविद्युत, जडीबुटी, कृषि लगायतको विकासलाई अगाडि बढाउने हो भने सोलुखुम्बुको कायापलट हुन सक्ने उक्त विचार गोष्ठीमा आफ्नो भनाई राखे । 

पूर्वीय तीन जिल्ला सोलु, ओखलढुङ्गा र खोटाङ जोड्ने सुनकोसी पुल बनिसकेपछि सोलुखुम्बुमा विकासको ढोका खुल्ने पनि उनले बताए । बिपीको सतवार्षिकीको अवसरमा भएको कार्यक्रममा शिक्षा क्षेत्र नेपालमै व्यवस्थित र गुणस्तरिय नभएको समेत बताए । शिक्षाको विकासको लागि उत्कृष्ट श्रेणीमा पास गरेका विद्यार्थीहरु र प्राध्यापकहरु हुनुपर्ने बताए । शिक्षामा हुनुपर्ने गुण भएको व्यक्तिहरु मन्त्रालयमा विभिन्न सरकारी निकायमा भएकाले गुणस्तरहिन शिक्षा व्यवस्था भएको बताएका छन् । उनले थपे ‘सोलुखुम्बुका अन्य नेताहरुले जातीय र पहिचानका कुरा मात्र उठाउ“छन, सगरमाथाको पहिचान र विकासको कुरामा चुप लाग्छन् ।’ त्यसैले अबदेखि सगरमाथाको पहिचानबाट उठ्ने रोयल्टीले जिल्लामा विकास गर्ने प्रशस्त आधार रहेको केसीले बताए । तर यसको लागि सबै जनाले क्लिएर भएर काम गर्नु पर्ने उनले सुझाव दिए । 

यसैगरी विशेष अतिथि नेवि संघका पूर्व अध्यक्ष तथा दोस्रो संविधान सभामा कांग्रेसबाट सभासद भएका धनराज गुरूङले नेपालको विभिन्न धार्मिक तीर्थस्थलहरु लुम्बिनी, हलेसी, मुक्तिनाथलाई व्यापक रुपमा प्रचार गरी धार्मिक पर्यटकहरु भित्र्याउनु पर्नेमा जोड दिएका थिए । भगवान बुद्ध जन्मेको देश लुम्बिनी क्षेत्रमा एक भव्य र सुविधा सम्पन्न प्रस्तुतिगृहको निर्माण गरे विश्वको विभिन्न बौद्ध देशहरुमा उनीहरुकै भाषामा विज्ञापन गरी प्रचार प्रसार गरेको खण्डमा पर्यटनको ओइरो लागि गुणात्मक आर्थिक विकास हुने सम्भावना रहेको पनि उनले बताए । लुम्बिनीमा जन्मेको बच्चाहरु बुद्ध जस्तै हुने छन् भन्ने रणनीतिमा विज्ञापन गरेको अवस्थामा धेरैको संख्यामा पर्यटकहरु ीभत्रिने उनले दावी गरे । कार्यक्रममा विशेष अतिथि कांग्रेस नेता नागिन्द्र राज जोसी बिपी चिन्तन प्रतिष्ठानका सभापति गणेश बहादुर बस्नेत लगायतले बिपीको बारेमा आ–आफ्नो धारण राखेको थिए । उक्त कार्यक्रम नेपाली कांग्रेस सोलुखुम्बु काठमाडौं सम्पर्क समितिको पहलमा सम्पन्न भएको थियो ।