सोलुखुम्बुमा २८ सय घर पुर्ण रुपमा क्षति, ६ हजार घरमा आंशिक क्षति

बैशाख १२ गते गएको महाभुकम्पमा सगरमाथा क्षेत्रमा बाहेक अन्यत्र खासै क्षति नबेहोरेको सोलुखुम्बुमा मंगलबार गएको भुकम्पले धेरै भौतिक क्षति भएको छ । यो समचार तयार पार्दसम्मको तथ्याङ्क अनुसार सोलुखुम्बु भरि २८ सय घर पुर्ण रुपमा क्षति भएको जिल्ला प्रहरी प्रमुखले जनाएको छ । प्रहरीका अनुसार ६ हजार घरमा आंशिक क्षति भएको छ । 

यस अघिको भुकम्पले चर्किएका घरहरु मगलबारको भुकम्पका कारण भत्किएका छन । प्राप्त खबर अनुसार सबैभन्दा धेरै क्षति सोलुखुम्बुको गोलि गा।वि।स र चौलाखर्क गा।वि।स। मा भएका बताईएको छ । गोलीका स्थानीयबासी तेन्जिङ शेर्पाका अनुसार गोली गा।वि।स। का सबै घरहरु पूर्णरुपमा भत्किएका छन । भुकम्पका कारण गोली गा।वि।स।मा रहेको पुरातात्विक सम्पदाहरु पनि भत्किएका छन । उक्त गा। वि। स। मा रहेको ७ वटा गुम्बा तथा गेप्चु गाउँमा रहेको स्तुपा पनि पुर्णरुपमा क्षति भएको जारकारी दिए । यस गाउँमा पुग्न सदरमुकाम बाट एक दिनको पैदल यात्र गर्नु पर्ने भएकोले हाल सम्म उद्धार टोलि पुग्न सकेको छैन । 

सोलुखुम्बुको माथिल्लो क्षेत्रमा पनि खुम्बुमा पनि भुकम्पले धेरै क्षति पु¥याएको छ । खुम्बुको नाम्चे, थामे, खुम्जुङ, खुन्दे लयायतका गाउँमा बढि क्षति भएको खबर प्राप्त भएका छ । थामे र खुन्देका अधिकांश घरहरु भत्किएको खबर प्राप्त भएको छ । 

सोलुखुम्बुको दुधकुण्ड नगरपालिका अधिकांश वडाहरुमा क्षति पुरयाएको छ । अधिकांश मानिसहरु घरबाहिर बसिरहेका छन ।