प्राकृतिक विपत्तीकै कारण लगातार २ बर्ष हिमाल आरोहण रद्ध हुनुले पर्यटन व्यवसायीलाई मात्र घाटा भएको छैन्, समग्र देश नोक्सानमा छ । कुन पक्षलाई कस्तो घाटा परेको छ ?
रेडियो रिपोटको आधारमा ।
गतबर्ष आरोहण रद्धको कारक बन्यो हिमपहिरो र १६ जनाको निहत्थामा ज्यान जानु । यस बर्ष भुकम्पपछिको हिमपहिरो कारक बन्यो, आरोहण रद्धको । यस बर्ष आरोहणका लागी ४२ दलले अनुमति लिएपनि एउटा पनि आरोहण हुन नपाई अघिल्लो बर्षकै अवस्था दोहोरियो ।
यसबर्ष सगरमाथा, ल्होत्से, नुप्त्से हिमाल आरोहणका लागी आरोहण दल सगरमाथा आधारशिविरबाट शिबिर नम्बर १ र २ तर्फ प्रस्थान गरेकै केहि घण्टामा भुकम्प आयो र पुमरी हिमालमा हिँउ पहिरो गयो । सो पहिरोले १८ जना स्वदेशी तथा विदेशी आरोहि तथा सहयोगीको ज्यान लियो ।
यो घटना लगत्तै खाली भएको आधारशिविरमा यहि बर्ष फेरी आरोहण दल नपुग्ने निश्चित भएको छ । सगरमाथा प्रदुषण नियन्त्रण समिति (एसपिसिसिले क्षतिभएका भरयाङ तथा बाटो निर्माण गरी आरोहण संम्भव नभएकाले रद्धको निर्णय गरिसकेको छ ।
एसपिसिसिका महासचिब लाक्पा शेर्पाका अनुसार आरोहण रद्धले भरिया र राज्यले लिने राजस्वमा घाटा नभएपनि आरोहण दलमा सहभागी सहयोगीका साथै विदेशी तथा स्वदेशी आरोहिको हिमाल आरोहण गर्ने सपना टुटुनुका साथै आर्थिक नोक्सान मात्रै भएको छ ।
लगातार २ पटक आरोहण रद्ध हुनुले आरोहण पेशा नै संकटमा परेको नेपाल पर्वतारोहण संघका अध्यक्ष आङछिरिङ शेर्पाको भनाई छ । उनले आरोहण पर्वतीय क्षेत्रको विकासको मेरुदण्ड भएकाले प्रकोपमा परी दर्जनौ आरोहिहरुको ज्यान जानुले पेशा प्रति नै अबिश्वास पैदा भई धरापमा परेको बताए ।
नोम्याड नेपाल ट्रेक एण्ड एक्पिटिसनका कर्मा शेर्पाले प्रकोपका कारण आरोहण रद्ध हुनुले अन्तराष्ट्रिय समुदायमा नेपाल असुरक्षित भएको सन्देश गएकाले राज्यले पहिलेकै अवस्थामा ल्याउन स्पष्ट खाकाका साथमा अघि बढ्नुपर्ने बताए । उनले आरोहण रद्धले पर्यटन क्षेत्रलाई रोजगारी बनाई जिविकोपार्जन गरिरहेका सयौको गाँस खोसिएको बताए ।
यता पर्यटन मन्त्रालयको पर्यटन महाशाखाका प्रमुख तुलसी गौतमले यस बारेमा अहिले नै आकलन गर्नु हतार हुने बताए । जे होस पर्यटन ब्यबसायीहरुको बुझाइृमा संकटमा परेको आरोहण पेशालाई सक्रिय बनाउन राज्यले विशेष योजना बनाई अघि बढ्नु आवश्यकता बनेको छ ।
यसतर्फ सम्बन्धित निकायको ध्यान बेलैमा जाओस।
स्रोतःहिमाल एफ एम
स्रोतःहिमाल एफ एम
Comments
Post a Comment