भूकम्पका कारण सोलुखुम्बुका १८ वटा बस्ती उच्च जोखिममा....
सोलुुखुम्बु, १४ जेठ – भूकम्पका कारण पहिरोको समेत जोखिम बढेपछि सोलुखुम्बुका विभिन्न १८ वटा बस्ती अन्यत्र सार्नुपर्ने देखिएको छ । जिल्ला दैवी प्रकोप उद्धार समितिको तथ्याङ्कअनुसार जिल्लाको विभिन्न १५ गाविसमा पर्ने १८ वटा बस्तीका एक हजार ३५७ घरधुरीलाई अन्यत्र सार्नुपर्ने अवस्था भएको हो ।
ती बस्तीमा पहिरोका जोखिम बढेको बताइएको छ । प्रारम्भिक विवरणअनुसार जोखिममा रहेका ती बस्तीमा रहेका छ हजार ७३९ जनसङ्ख्यालाई अन्यत्र सार्नुपर्ने अवस्था आएको हो ।
भूकम्पपछि पहिरोको जोखिममा परेका बस्तीमा चाँैरीखर्क–५ को टोकटोक, टाक्सिन्दु–४ र ६ को नुनथला र हवे गाउँ, बासा–६ को घिमिरे गाउँ, वाकु–२ को हाकुला, काकु–९ को लेवा र अम्रास, देउसा–१ को तेम्लाबाया र लुर, पावै–३ को चेमेदु रहेका छन् ।
त्यस्तै बुङ–१ को पात्ले, गुदेल–६ र ७ को चाचालुङ, छेस्काम–१ र ९ को सिमानामा रहेको खाम्हदो, लोखिम–८ को लिखिपे, भकाञ्जे–९ को किञ्जाबजार, गोली–५ को यर्माखु, केरुङ–२ र ३ को लाखोप र खाम्चे तथा नेचाबतासे–७ को अँधेरी गाउँ रहेका छन् ।
यो प्रारम्भिक विवरण भएकाले यस्ता जोखिमपूर्ण बस्तीको सङ्ख्या अझै बढ्न सक्ने जिल्ला दैवी प्रकोप उद्धार समिति सोलुखुम्बुका अध्यक्ष एवम् प्रमुख जिल्ला अधिकारी झङ्कनाथ ढकालले जानकारी दिनुभयो ।
स्रोतःहाम्रो नेचा राम्रो नेचा
स्रोतःहाम्रो नेचा राम्रो नेचा
Comments
Post a Comment